17 de mayu | Día Internacional contra la LGTBIfobia · Frente al avance de l’extrema dereita, ¡queremos sere lu que somos!
16 Mayo 2025 | Sindicato de Estudiantes León
El próximu 17 de mayu, nel marcu del Día Internacional contra la LGTBIfobia, alzaremos de nuevu la voz pa denunciare la violencia y discriminación qu’ on sufren las presonas LGTBI en tous los ámbitus de sou vida. Las cifras son alarmantes: alredor de 812.000 presonas nel Estáu hespañol han síu víctimas d’agresiones debido a sou orientación ou identidá sexsual nel últimu anu, yel 58,3% ha esperimentáu discriminación.
¿Denuncia ou persicución istitucional contra la víctima?
Las presonas LGTBI acontinuan siendu brancu d’ataques físicos, psicolóxicos y sesuales. Mientras qu’el 46,09% de las víctimas nun denuncian ante las autoridades pur disconfianza y miedu evidentes, el 33,33% de quienes lu facen consideran el procesu egual de traumático que la propia agresión. Esta ye la rïalidá que tamién vivimos en nunesos centros d’estudiu onde uno de cada cuatru xóvenes LGTBI ha sufríu acosu y en siete de cada diez casos, las intituciones educativas no han interveníu.
Por esu esti 17M tien que sere una nueva xornada de ḷḷucha pa siñalare a nuesas enemigas y enemigos de clas que tentan arrebatarnos nous dreichos y nuesas vidas. Porque la violencia y discriminación que sufrimos las presonas LGTBI nun ye un acidente, ye’l resultáu d’un sistema capitalista que nus quieren submisas, invisibles y silenciadas. Más on si amás de pertenecere al colecuivu nun tenemos millones nel bancu ni pertenecemos a familias poderosas.
L’extrema dereita más reaccionaria y sou descurso d’odiu, en la coxuntura internacional
El avance de l’estrema dereita y sou descurso d’odiu, alimentáu dende las istituciones y los medios de comunicación, ha profundizáu esta situación. En EEUU, Donald Trump ha puestu una diana en frente al Coleutivo LGTBI y especialmente a las presonas trans. En Reinu Unidu, la corte suprema ha escluíu a las muyeres trans de la definición de muyeres, uniendu en esta decisión a la estrema dereita y a esu seutor del feminismu pequeñu burgués, de muyeres ricas y privilexiadas que nun pueden desemular sou odiu polas presonas trans. En Hungría se tan prohibiendu las manifestaciones del Argullu y amanazando que quienes se manifiesten serán identificadxs con software de reconocencia facial y multas d’hasta 500€.
Por supuestu, l’Estáu hespañol nun ye una esceición. Abascal y sous secuaces nous chaman ruines, cuestionan nuesas esistencia y llexislan pa facernos esapaecere. Pero nun tan solos, cuentan cono apoyu antusiasta de la dereita del PP y sous representantes, como Isabel Díaz Ayuso fuliminandu derechos del coleutivo LGTBI en la CAM. Y por supuestu tamién cun esti sistema xudicial y esta xudicatura heredada del franquismu, que son otru pilar de noustra opresión.
La llei transexual ta siendu estruyida
Faz dous años, l’aprobación de la llei Trans fou un triunfu frente a las presiones de seutores reaccionarios. Ensín embargo, huei estache llei s’alcuentra amanazáu pur el Tribunal Constitucional, que podría deixarla ensín efecto, evidenciando la complicidá de seutores del punxu judicial cun l’ultradereita.
Estos xuezes, fiscales, policías, clérigos, periodistas y políticos que ponen una diana sobru nosoutros, nosoutras y nosoutres. Son los mesmos Trump, Abascal, Ayuso y compaña qu’enarbolan la bandera de la familia capitalista tradicional pa aplastarnos.
Y sou cruzada nun ye namás contra las presonas trans. Son ñemigos de tolas presonas arratigadas. Pur esu atacan tamién al garrapiellu de la clas trabayadora y especialmente a las presonas migrantes, a las muyeres y a la esquierda que ḷḷuchamos ensín descansu. Por esu, ye necesariu que nous organicemos y respondamos contundentemente.
El goviernu "más progresista de l’hestoria"
Cumu ca 17 de mayu, ḷḷamentablemente tenemos que siñalare tamién que la dereita cuenta cun un sociu mui fiable en las filas del PSOE pa que esti descurso tránsfobo y LGTBIfóbico s’abra camín. El Goviernu podrá dicirnos las vegadas que quier que tán de noustro llau, pero si atacan furibundamente la Llei Trans, defenden sentencias xudiciales patriarcales, votan lleies cun la dereita y colocan a una tránsfoba convencida al frente del Institutu de las Muyeres… tán más cerca del Partíu Popular y Vox, que del movimientu LGTBI combativu.
Por esu, ¡non vamos a reculare! Non vamos a premitire que sou odiu campe ḷḷibre por noustras calles y aulas. Vamos a sigire lluchando, porque noustra forcia tá en l’organización, en la solidaridá y en la resistencia. Queremos sere llibres, queremos vivire sin miedu, queremos xusticia pa las víctimas y castigos exemplares pa quienes nous atacan.
Queremos educación sesual inclusiva en noustras aulas, sanidá pública digna, trabayu y vivienda garantizados. Queremos un mundu donde podamos sere lo que somos, sin que naide nous lo arrebate.
Cada 17 de mayu ye un gritu de llibertá, un acurdatorio de que esistimos, resistimos y nun vamos a reculare. Porque queremos sere lo que somos, vivire sin miedu y conquistare dereitos pa toas, tou y toes. Porque solu en una sociedá llibre de LGTBIfobia, podremos sere verdaderamente llibres.
Artículu tornáu gracias a la Comisión de Redacción y Traducción pula Llingua Llïonesa